– गणेश लोहनी, चितवन (हाल : पोल्याण्ड)
१.
चिनी मात्र किन र नुन पनि बन्द गर
ढोँगी बाबाको भेष धुन पनि बन्द गर
साँध सीमाना चेप्छौ भूमि कब्जा गर्छौ
निशाचर ‘रअ’८ को बैगुन पनि बन्द गर ।
२.
अहंकारको शिखरमाथि चढि चढि खोक्छन्
नअघाउने अगस्तिहरू भेटे जति धोक्छन्
शरीरले साथ छोड्यो विवेक बास बसिसक्यो
अन्ध भक्तहरू भने काँधैमाथि राखि बोक्छन् ।
३.
के गर्दैछौ भनि नसोध मस्तिमा जिइरहेछु
जता जताबाट फाट्छ उतै उतै सिइरहेछु
जमाउने कोसिसमा झनै पन्यालो बनेको
तरल जिन्दगी घुट्को घुट्कोमा पिइरहेछु ।
४.
जनताले जिताउँछन् राजिनामा लिन्छन् नेता
“पार्टी हितमा कामगर्नु” निर्देशन दिन्छन् नेता
राजिनामा स्वीकृतिको त्यान्द्रोले बाँधिएकाका
दृष्टिमा अविवेकी निरंकुश ठानिन्छन् नेता ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies