काठमाडौं : सौन्दर्य प्रतियोगताको आडमा यौन शोषण र बलात्कार गरेको आरोप लागेका मनोज पाण्डे जेल चलान भएका छन् ।
काठमाडौं जिल्ला अदालतले आज बलात्कार आरोपी मनोज पाण्डेलाई पुर्पक्षका लागि थुनामा राख्न आदेश दिएको हो ।
जिल्ला अदालतले पाण्डेलाई मानव बेचबिखनको मुद्दामा पुर्पक्षका लागि थुनामा पठाउने आदेश गरेको हो ।
बाल यौन दुर्व्यवहारको कसुरमा भने एक लाख धरौटी माग गरिएको छ । जिल्ला सरकारी वकिल कार्यालय काठमाडौंले पाण्डेविरुद्ध दुई वटा कसुरमा १८ वर्ष कैद सजाय मागदाबी गर्दै अदालतमा मुद्दा दायर गरेको छ ।
पाण्डेविरुद्ध मानव बेचबिखनको कसुरमा १५ वर्ष र बाल यौन दुव्र्यवहारको कसुरमा तीन वर्ष गरी १८ वर्ष कैद सजायको मागदाबी गरिएको छ ।
शरीर बन्धक बनाइ नाबालिगलाई शारीरिक शोषण गरेको लगायतको अभियोगमा उनलाई १० देखि १५ वर्ष कैद सजायको माग दाबी गरिएको छ ।
सन् २०१४ मा भएको सौन्दर्य प्रतियोगिताका सहभागीलाई होटलमा बोलाएर बलात्कार गरेको आरोप पाण्डेमाथि छ । पीडितले घटना सार्वजनिक गरेपछि पाण्डे जेठ ७ गते पक्राउ परेका थिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies