काठमाडौँ : गोकुल बास्कोटाले पुनः उठ्न थालेको वाम एकताको बहसप्रति असन्तुष्टि व्यक्त गरेका छन् । उनले यस्तो पहल समयानुकूल नभई परिस्थितिसँग मेल नखाने टिप्पणी गरेका हुन् ।
बुधबार सामाजिक सञ्जालमार्फत धारणा सार्वजनिक गर्दै उनले अहिलेको प्राथमिकता दलभित्रै सुधार, संगठन सुदृढीकरण र नेतृत्वको पुनर्संरचना हुनुपर्ने उल्लेख गरे । बाह्य रूपमा एकताको नारा उठाउनेभन्दा आन्तरिक पुनर्गठनतर्फ ध्यान दिनुपर्ने उनको भनाइ छ ।
उनका अनुसार जनमत प्राप्त भइसकेपछि पनि विभिन्न बहानामा प्रमाण खोज्ने प्रवृत्तिसँग तुलना गर्दै वाम एकताको चर्चा अघि सारिनु उपयुक्त नहुने संकेत गरेका छन्। यस्तो अभ्यासले आम समर्थक र मतदातामा अपेक्षित विश्वास सिर्जना गर्न नसक्ने उनले औँल्याएका छन् ।
बास्कोटाले दीर्घकालीन रूपमा आन्दोलनलाई पुनर्जीवित गर्न संगठनात्मक सुधार र नयाँ नेतृत्वको विकास अनिवार्य रहेको धारणा व्यक्त गरेका छन् ।
.jpg)
.jpeg)
