काठमाडौं : नेपाल एसीसी महिला टी २० च्याम्पियनसिप क्रिकेटको फाइनलमा पुग्न असफल भएको छ । नेपाल वर्षाको कारण च्याम्पियनसिपको पहिलो सेमिफाइनलबाट बाहिरिएको हो ।
नेपाल र यूएईबीचको खेल वर्षाको कारण पूरा हुन नसकेपछि नेपाल बाहिरिएको हो । खेल रद्द भएसँगै यूएई समूह ए को विजेताको कारण फाइनलमा पुगेको छ ।
नेपाल समूह 'बी'को उपविजेता र यूएई समूह 'ए'को विजेता हो । आईसीसीको नियम अनुसार नेपाल बाहिरिएको हो ।
मलेसियामा जारी प्रसितयोगिता अन्तर्ग शुक्रबारको खेलमा यूएईले नेपाललाई ८२ रनको लक्ष्य दिएको थियो ।
टस हारेर ब्याटिङको निम्तो पाएको यूएईले १९.५ ओभरमा अलआउट हुँदै ८१ रन बनाएको थियो ।
नेपालका लागि अस्मिना कर्माचार्यल ५ विकेट लिइन् भने इन्दु बर्माले ३ तथा सिता रानामगरले २ विकेट लिइन् ।
यूएईका लागि वैष्णवी महेशले सर्वाधिक १६ रन बनाउँदा ओपनर इशा रोहितले १५ रन जोड्न सफल भइन् ।
८२ रनको जवाफी लक्ष्य पछ्याएर ब्याटिङ गर्न मैदानमा उत्रने तयारीमा नेपाल रहेपनि वर्षाका कारण खेल हुन नसकेपछि नेपाल बाहिरिनु परेको हो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies