– विष्णु उप्रेती
१.
स्तर नमिलेपछि त, दोस्ति पनि नहुने रहेछ ।
संसारै हेर स्वार्थको, दलदल सरि नै भएछ ।
सद्भावको पात्र यहाँ, भेटिएन कोहि पनि ।
विश्वास गर्ने त समयनै, अब खै कता गएछ ।
२.
सम्बन्धको त्यो खिरिलो डोरी, चुटायौ तिमीले ।
अमृत भरिघडा यो अनायासै, फुटायौ तिमीले ।
बिना कारणै आएर आफै तिमी आवेशमा
नजानी नजानी सहयोगी हात छुटायौ तिमीले ।
३.
पार्टीहरुको निरंकुश दासतालाई तोडेर जित्यौ ।
पैसा र नाताको चलखेललाई फोडेर जित्यौ ।
त्यसैले धेरै–धेरै बधाई र शुभकामना छ तिमीलाई ।
भ्रष्टाचार गरि, दुनो सोझ्याउने कुरा छोडेर जित्यौ ।
४.
अब गाउँ शहरमा विकासको लहर, लिएर आऊ ।
शासक होइन सेवक हुने, संकेत सबैमा दिएर आऊ ।
भ्रष्टाचार र कमिसनको घिनौलो खेललाई भत्काउदै ।
सपना बोकेको झोला, च्यतिएला राम्रो सिएर आऊ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies