.png)
काठमाडौं : शाइन रेसुंगा डेभलपमेन्ट बैंकले लाभांश वितरण गर्ने प्रस्ताव गरेको छ । बैंकले गत आर्थिक वर्षको नाफाबटा सेयरधनीहरुलाई १४ प्रतिशत लाभांश वितरण गर्ने प्रस्ताव गरेको हो । बैंकको मंसिर ७ गते बसेको सञ्चालक समितिको बैठकले गत आर्थिक वर्ष २०७८/७९ को नाफाबाट कायम चुक्ता पूँजीको १३.३ प्रतिशत बोनस शेयर र ०.७ प्रतिशत नगद गरी कूल १४ प्रतिशत लाभांश वितरण गर्ने प्रस्ताव गरेको हो ।
बैंकको चुक्ता पूँजी ३ अर्ब ७८ करोड १० लाख ९ हजार रुपैयाँ रहेको छ । बैंकले प्रस्ताव गरेको उक्त लाभांश नेपाल राष्ट्र बैंक र आगामी साधारण सभाले पारित गरेपश्चात् शेयरधनीहरुले प्राप्त गर्नेछन् । यस अघि अघिल्लो आर्थिक वर्ष २०७७/७८ मा बैंकले १०.९३ प्रतिशत बोनस शेयर र ०.५७ प्रतिशत नगद गरी कूल ११.५ प्रतिशत लाभांश वितरण गरेको थियो । यस्तै, आर्थिक वर्ष २०७६/७७ मा बैंकले १३ प्रतिशत बोनस शेयर वितरण गरेको थियो ।
