रौतहट : बाराको पचरौता नगरपालिकाका मेयर जलन्धर सिंहको पहलमा रौतहटको बाढी प्रभावित क्षेत्रमा स्वास्थ्य शिविर सञ्चालन गरिएको छ ।
राजदेवी नपा वडा नं ८ लक्ष्मीपुर र दुर्गा भगवती गाउँपालिकाको वडा नं.५ बडहर्वा टोलमा अनुगमन गरी खाना र स्वास्थ्य शिविर सञ्चालन गरिएको हो ।
आफ्नो पालिकाको जनशक्ति लगायत एमबीबीएस चिकित्सकसहितको स्वास्थ्यकर्मीको टोली, बाढीपहिरो उद्धारका लागि प्रशिक्षण लिएका नगर प्रहरीको टोली, बाढीबाट प्रभावित सडक मर्मत र भत्किएको ठाउँलाई मर्मत गरी डाइभर्सन बनाउनको लागि जेसीबी लगायत टिपर, ट्याक्कर, पिकप लगायतको सामग्रीसहितको टोली २ दिनदेखि तीन पालिकाहरुमा खटिइएको छ ।
