मलेसिया : मलेसियामा नवजात बच्चालाई नदी किनारमा फालेको आरोपमा एक नेपाली युवक पक्राउ परेका छन् । मलेसियाको पेराकस्थित ताइपिङको सिम्पाङ लारुतमा बिहीबार नदी किनारमा नवजात शिशुको शव फेला परेको थियो ।
त्यसपछि भएको अनुसन्धानमा एक ३४ वर्षीय नेपाली कामदारलाई प्रहरीले पक्राउ गरेको मलेसियाको सरकारी सञ्चारमाध्यम बेर्नामाले उल्लेख गरेको छ । पक्राउ पर्ने नेपाली युवकको नाम गोप्य राखिएको छ ।
नेपाली तथा कम्बोडियाली युवतीले अस्पतालमा बच्चा जन्माएको, तर बच्चा घर नलगी दुवै जना मिलेर बच्चालाई नदी किनारमा फालेको प्रहरीले दाबी गरेको छ । उनीहरुले मृत बच्चा जन्मेका कारण फालिदिएको दाबी गरेका छन् ।
प्रहरीले दुबै जनाविरुद्ध नवजात बच्चाको हत्या अभियोगमा मुद्दा चलाउन अनुसन्धान शुरु गरिएको बताएको छ ।
.jpg)
.jpg)
