लहान : चाडपर्वको अवसरमा गोपाल सेवा समिति लहानले शुभकामना आदानप्रदान कार्यक्रमसहित वार्षिक साधारण सभा सम्पन्न गरेको छ । कार्यक्रमको प्रमुख अतिथि पूर्वसञ्चारमन्त्री तथा सिरहा क्षेत्र नम्बर–२ का प्रतिनिधि सभा सदस्य राजकिशोर यादव रहेका थिए ।
कार्यक्रममा प्रमुख अतिथि यादवले चाडपर्वले एकआपसमा सद्भाव र भाइचारा बढाउने भन्दै समितिलाई सामाजिक कार्यमा निरन्तर सक्रिय रहन सुझाव दिए ।
साधारण सभामा समितिका गत वर्षका गतिविधिहरूको समीक्षा गरिएको थियो भने आगामी वर्षका योजनाहरूको बारेमा विस्तृत छलफल भएको जानकारी गराइएको थियो ।
समारोहमा विभिन्न स्थानीय समाजसेवी, व्यापारी र समितिका सदस्यहरूको उपस्थिति रहेको थियो ।
