लहान : लहान नगरपालिका वडा नम्बर ८, रोड नम्बर २ मा रहेको ओम होमियोप्याथिक क्लिनिक अहिले बिरामीहरूको भरोसाको केन्द्र बनेको छ । होमियोप्याथिक विशेषज्ञ डा. रिना यादव (बीएचएमएस, भारत)को कुशल उपचार सेवाले यो क्लिनिकले चिरफार नगरी प्राकृतिक विधिबाट विभिन्न रोगहरूको सफल उपचार गर्दै आएको छ ।

डा.यादवले होमियोप्याथिक औषधिको प्रयोगबाट बिरामीहरूको दीर्घकालीन समस्याहरू समाधान गर्दै जीवनमा परिवर्तन ल्याएको दाबी गरिन् । ‘होमियोप्याथिक औषधिहरू साइड इफेक्टरहित हुन्छन् । यी औषधिले बिरामीको रोगलाई जडबाट हटाउने मात्र होइन, उनीहरूको जीवनलाई स्वस्थ र सहज बनाउने काम गर्छ,’ उनले बताइन् ।

ग्यास्ट्रिक समस्याबाट पीडित सरिता यादवले आफ्नो अनुभव सुनाउँदै भनिन्, लामो समयदेखि पीडित थिए । डा. रिनाको उपचार सुरु गरेपछि अहिले म पूर्ण रूपमा निको भइसकेकी छु । यस्तो चमत्कारिक नतिजाको आशा मैले कहिल्यै गरेकी थिइनँ ।’

यस्तै, छालाको समस्याबाट ग्रस्त रिता खातुनले आफ्नो अनुभव साझा गर्दै भनिन्, ‘डा. रिनाको उपचारबाट अहिले मेरो अनुहार चम्किलो बनेको छ । म उहाँको उपचारप्रति अत्यन्तै आभारी छु ।’

ओम होमियोप्याथिक क्लिनिकले छालाको समस्या, पाइल्स, फिस्टुला, हड्डी खियाउने, नसाच्यापिने, टाउको दुख्ने, निन्द्रा नलाग्ने, महिनावारी गडबडी, सेतो पानी बग्ने, मृगौलाको पत्थरी, पिसाब पोल्ने र ग्यास्ट्रिकजस्ता समस्याहरूको उपचार उपलब्ध गराइरहेको छ। यसका अतिरिक्त, पिनास, टन्सिल तथा तल्लो पेट दुख्ने समस्यामा पनि यहाँ चिरफार नगरी मात्र औषधिको प्रयोगबाट समाधान गरिन्छ ।

डा.यादवले आफ्नो उपचार पद्धतिमा पूर्ण विश्वास व्यक्त गर्दै भनिन्, ‘होमियोप्याथिक औषधि मात्र रोगलाई ठीक गर्ने औषधि होइन । यो सम्पूर्ण जीवनशैलीलाई सुधार गर्ने उपाय पनि हो । बिरामीलाई शारीरिक मात्र होइन, मानसिक रूपमा पनि निरोगी बनाउनु नै हाम्रो मुख्य लक्ष्य हो ।’

डा.यादवको कुशल नेतृत्व र होमियोप्याथिक औषधिको गुणस्तरले ओम होमियोप्याथिक क्लिनिक आज लहान मात्र होइन, आसपासका क्षेत्रका बिरामीहरूको पहिलो रोजाइ बनेको छ । बिरामीहरूको उत्साहजनक प्रतिक्रिया र सफल उपचारका कहानीहरूले यस क्लिनिकलाई थप विश्वासिलो बनाइरहेको छ ।