सुमन महतारा/मध्यान्ह
गुल्मी : नेपाल तेक्वान्दो संघ अन्तर्गत काठमाडौं जिल्ला तेक्वान्दो संघद्वारा आयोजना गरिएको प्रथम काठमाडौं भर्चुअल राष्ट्रिय खुला तेक्वान्दो (पुम्से) प्रतियोगिता (अगष्ट २९–३० २०२०)मा प्रदेश ५ बुटवलका अन्तरराष्ट्रिय खेलाडी सुरज श्रेष्ठ (माउन्ट एभरेष्ट अकडेमी ) स्वर्णपदक जित्न सफल भएका छन् । चार दिन अघि पठाइएको भिडियोको नतिजा प्रकाशित भए अनुसार उक्त प्रतियोगितामा ३१-४० उमेर समूह अन्तर्गत श्रेष्ठले आफ्ना ६ जना प्रतिस्पर्धीलाई पछि पर्दै स्वर्ण हात पारेका हुन् ।
साथै बुटवलका अर्का खेलाडी बिकास उदय (अन्नपूर्ण सेकेन्डरी स्कुल) ४१ बर्ष माथिको उमेर समुहमा कास्य पदक तथा दाङबाट सुनिता बिष्ट (अल्फा तेक्वान्दो दोजाङ) ले पनि १८–३० उमेर समुहमा कास्य पदक जित्न सफल भएका छन् ।
पुरुषमा ६ र महिलामा ५ गरी ११ स्पर्धा समावेश गरिएको दुईदिने प्रतियोगितामा १९ टिमका १ सय ७० खेलाडीको सहभागिता रहेको आयोजक संघका अध्यक्ष अशोक खड्काले जनाएका छन् । उक्त प्रतियोगितामा अन्तरराष्ट्रिय निर्णायकहरु अशोक खड्का, मीन न्यौपाने, हीराबहादुर थापा, नोर्बु लामा र विक्रम खड्गीले निर्णायकको भूमिका निर्वाह गरेका थिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies