रौतहट : रौतहटको मध्य भागमा रहेको गरुडा नगरपालिका वडा नं. ३ को आफ्नै भवन बन्ने भएको छ । नगर प्रमुख कन्थ मुनी जयसवालले मलाही टोलमा नयाँ वडा कार्यालय भवनको शिलान्यास गरेका छन् । पुरानो भवन जीर्ण भइ प्रयोगविहीन बनेपछि नगरस्तरीय बजेट रु. २५ लाखको लागतमा नयाँ चार कोठे भवन निर्माण गर्न लागिएको हो ।
शिलान्यास कार्यक्रममा वडाध्यक्ष अम्बिका सहनी, जग्गादाता पारस सहनी लगायत स्थानीय बुद्धिजीवीहरूको उपस्थिति रहेको थियो ।
नगर प्रमुख लगायतका विभिन्न पार्टीका नेताहरूले जग्गादाता पारस सहनी जसलाई धन्यवाद ज्ञापन गरेका थिए । सहनीले वडा कार्यालय भवनका लागि १ कठ्ठा १३ धुर जग्गा निःशुल्क दान गरेका थिए ।
साथै, उक्त भवनसम्म पुग्नका लागि १५ फिट चौडाइ र २५० मिटर लम्बाइ भएको बाटोको व्यवस्था समेत गराइएको नगरप्रमुख जयसवालले बताए । नयाँ भवन निर्माण भएसँगै नगरवासीलाई सहज, व्यवस्थित र प्रभावकारी सेवा प्रवाह गर्न महत्वपूर्ण योगदान पुग्ने वडाध्यक्ष अम्बिका सहनीले बताए ।
.JPG)
