रौतहट : रौतहट सदरमुकाम गौरमा मेयर शम्भु साहको बारेमा सांसद अमरेश कुमार सिंहले विवादास्पद अभिव्यक्ति दिएको भन्दै प्रदर्शन गरिएको छ ।
सांसद सिंहले मेयर साहमाथि गौर राइस मिलको ६ बिघा जग्गामा अनियमितता गरेको र भारतीय नागरिकलाई नेपाली नागरिकता दिलाएर नक्कली मोही खडा गरी जग्गामा चलखेल गरिरहेको आरोप लगाएका थिए ।
सांसद सिंहको यस अभिव्यक्तिप्रति असहमति जनाउँदै गौर नगरपालिकाका स्थानीयवासीहरुले सदरमुकाम गौरमा सांसद सिंहको पुत्ला दहन गरेका हुन् । उनीहरुले सांसद सिंहको अभिव्यक्तिलाई गलत र आधारहीन भन्दै विरोध प्रदर्शन गरेका छन् ।
यसअघि, मेयर साहले गौर राइस मिलको जग्गा अधिग्रहण गरेर क्रिकेट मैदान निर्माणको प्रक्रिया अघि बढाएको बताएका थिए । उनले जग्गा अधिग्रहणको ७५ प्रतिशत काम असार मसान्तसम्म सकिने र त्यसपछि स्टेडियम निर्माणको पहल गरिने योजना रहेको बताएका थिए ।
.JPG)
