सुशिल सुवेदी / मध्यान्ह
सिन्धुपाल्चोक : लैङ्गिक हिंसा विरुद्ध १६ दिने अभियानका सन्दर्भमा मेलम्ची नगरपालिकाको विशेष अभियान अनुसार नगरपालिकाका सबै वडाका अगुवा विद्यालयहरुमा लैङ्गिक हिंसा सम्बन्धी गुनासो तथा उजुरी पेटिका राख्न शुरु गरेको छ ।
शुक्रबार मेलम्ची नगरपालिका वडा नं. ६ को अगुवा विद्यालय श्री तेर्से माध्यमिक विद्यालयमा लैङ्गिक हिंसा सम्बन्धी गुनासो तथा उजुरी पेटिका स्थापना गरिएको हो । गुनासो पेटिकाको नगरप्रमुख डम्बरबहादुर अर्यालले उद्घाटन गरेका हुन् । कार्यक्रममा नगर उपप्रमुख भगवती नेपाल र वडाध्यक्ष जितराज थापालले लैङ्गिक हिंसा समाजको एक जटिल समस्या भएको भन्दै यस्को अन्त्य हुन जरुरी रहेकोे बताए ।
विद्यालयका प्रधानाध्यापक कृष्ष्ण ढुंगानाले अभियानको उद्देश्य बमोजिम सोको निरन्तर कार्यान्वयनको प्रतिवद्धता व्यक्त गरे । विद्यालयभित्र र बाहिर हुने सबै प्रकारका हिंसाका गतिबिधिलाई निरन्तर खबरदारी गर्न अनुरोध गर्दै प्रअ ढुंगानाले विद्यालयमा त्यस्ता कुनै गतिबिधि भए सोबारे तत्काल गुनोसो वा उजुरी गर्न आग्रह गरे । साथै मेलम्ची नगरपपालिलका वडा नम्बर ६ का जेष्ठ नागरिकहरुलाइ हरलिक्स वितरण गरिएको छ ।
वडा नम्बर ६ का ९० बर्ष माथिका ३ जनालाई हरलिक्स र शिरक वितरण गरिएकोे नगर प्रमुख अर्यालले जानकारी दिए । अब नगरभित्रका सबै ९० बर्षमाथिका जेष्ठ नागरिकहरुको घर घरमा पुगेर भेटघाट गर्दै हरलिक्स र शिरक वितरण गरिने अर्यालले बताउनुभयो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies