काठमाडौं : सानो पर्दामा राम्रै परिचय बनाएका घनश्याम तिमल्सिना ‘एन्टिना’ले चेतनामुलक, लभस्टोरी तथा एक्सन प्रधान चलचित्र ‘बदला रिटर्नस्’ निर्देशन गरेका छन् । पुर्वी पहाडी जिल्ला संखुवासभाका विभिन्न रमणीय ठाउँमा छायांकन भएको ‘बदला रिटन्स्’को हाल सम्पादन भैरहेको छ ।
सानो पर्दामा काम गरिरहेका नायक कल्याण घलेले ठुलो पर्दामा काम गर्दा छुट्टै अनुभव रहेकोे बताउँदै साना सिरियललाई माया नमार्ने बरु राम्रो अवसर आए जस्तो सुकै सिरियल तथा चलचित्रमा अभिनय गर्ने बताए । तीव्र खबर मिडिया ग्रुपद्वारा निर्माण भएको कथानक चलचित्र ‘बदला रिटर्नस’ अब चाँडै नै दर्शकसामु आउने निर्देशक घनश्यामले बताए ।
उनले १४ वर्ष पहिले चलचित्र ‘छापामार’ निर्देशन गरेका थिए । चलचित्र ‘बदला रिटर्नस’मा निर्देशक घनश्याम तिमल्सिना ‘एन्टिना’ले आफुहरुलाई राम्रो अवसर साथै सुटिङमा सहयोग गरेको नायिका राईले बताए । चलचित्रमा प्रेम बस्यालको कथा तथा लक्ष्मी सिवाकोटी निर्जलाको पटकथा रहेको छ भने संगीत सुर्य दनुवार राईको छ ।
त्यस्तै द्वन्द्व सुरज श्रेष्ठको छ भने चलचित्रको छायांकन मोहनिश श्रेष्ठ, सम्पादन बिश्वास भण्डारीले गरेका छन् । चलचित्रमा कल्याण घले, शशी राई, जीवन श्रेष्ठ, प्रेम बस्याल, गिताञ्जली बलायर, किशोर घले आदि कलाकारको अभिनय रहेको छ ।
