देवेन्द्र आलोक/मध्यान्ह
विराटनगर : सुन्दरहरैंचामा जारी प्रथम मेयर कप फुटबल प्रतियोगिताको प्रतियोगिताको फाइनल खेलमा उपाधिका लागी १४ गते मंगलबार आयोजक सुन्दरहरैंचा र पथरीशनिश्चरे नगरपालिका भिड्ने भएका छन् ।
आइतबार भएको दोश्रो सेमिफाइनल खेलमा आयोजक सुन्दरहरैंचाले उर्लाबारी नगरपालिकालाई शुन्यका विरुद्ध १ गोलले पराजित गर्दै फाइनल प्रवेश गरेको हो । शुक्रवारे खेल मैदानमा भएको प्रतिस्पर्धात्मक फुटबल प्रतियोगितामा सुन्दरहरैंचाका लागि दोश्रो हाफको २ मिनेट बाँकी रहँदा आसिष चौधरीले गरेको गोल नै निर्णायक बन्न सफल भयो ।
यसअघि दुवै तर्फका खेलाडीले पाएका अवसरमा गोल गर्न नसक्दा खेल निकै प्रतिस्पर्धात्मक बनेको थियो । खेलको म्यान अफ दी म्याच आयोजक सुन्दरहरैंचाका आशीष चौधरी घोषित भए । उनले नगद २ हजार र मेडल हात पारे ।
खेलमा पहिलो हाफ सकिएर दोश्रो हाफ सुरु हुनु अघि केहिबेर तनाव समेत उत्पन्न भएको थियो । सुन्दरहरैंचाका समर्थकले रेफ्रिमाथि हातपातको प्रयास गर्दा खेल मैदानमा केहीबेर तनाव उत्पन्न भएको हो ।
प्रतियोगितामा मोरङका ८ वटा नगरपालिका र विराटनगर महानगरपालिका गरी ९ वटा टिमले प्रतिष्पर्धा गरेका छन् । प्रतियोगितामा विजेता पालिकाले नगद ३ लाख रुपैयाँ र उपविजेताले नगद १ लाख ५० शिल्ड मेडल तथा प्रमाण पत्र पाउने आयोजकले जनाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies