अर्घाखाँची : लुम्बिनी प्रदेश सहरी विकास तथा खानेपानी मन्त्री सरोज थापा(रोज)ले प्यूठानसहित लुम्बिनी प्रदेशको मुहार परिवर्तन गर्ने गरी सरकारले लक्ष्य लिएकाले त्यो लक्ष्य उद्देश्य पूरा गरेरै छाड्ने प्रतिबद्धता व्यक्त गरेका छन् । प्यूठानसहित लुम्बिनी प्रदेशको विकास र समृद्धिका लागि धेरै योजना, आयोजनाहरु बजेटमा समेटिने राणाको भनाइ छ ।
प्यूठानको सबैभन्दा दुर्गम ठाउँ मानिने बाहाने–स्याउलीबाङ सडकका लागि अघिल्लो सरकारमा आफू उद्योग तथा यातायात मन्त्रीको जिम्मेवारीमा रहँदा ४२ करोड १५ लाख विनियोजन गरेको र यस पटक सहरी विकास तथा खानेपानी मन्त्री हुँदा बाग्दुला–मच्छी सडकलाई ३० करोड बजेट संघीय समपुरकबाट विनियोजन गरेकाले अब प्यूठानी जनता र निर्वाचन क्षेत्रका जनतासँग बोलेको बाचा पूरा गरेर छाड्ने मन्त्री राणाले जानकारी दिए ।
मध्यान्हसँग कुरा गर्दै मन्त्री राणाले भने, ‘हामिले विकास निर्माणका कामहरुको सुरुवात मात्रै गरेका छौं, अरु थुप्रै योजनाका कामहरु यस वर्षको प्रदेश सरकारको बजेटमा समेटिने गरि अगाडि बढेको छ ।’
प्यूठानसहित लुम्बिनीको विकास अभियानमा सबैको साथ पाउने विश्वाससमेत उनले व्यक्त गरेका छन् । मन्त्री राणाले ‘एक घर एक धारा’को अभियानलाई पूरा गर्ने समेत प्रतिबद्धता जनाए ।
