काठमाडौं : प्रतिनिधिसभा बैठक आज पनि विपक्षी दलहरूको विरोधका बीच अघि बढेको छ । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) का सांसदहरूले विरोध जनाइरहे पनि सभामुख देवराज घिमिरेले संसदको कारबाही अघि बढाएका हुन् ।
सभामुख घिमिरेले संसद बैठक सञ्चालन गरेपछि रास्वपा सांसदहरुले वेल घेराउ गरेका छन् । उनीहरुले गृहमन्त्री रमेश लेखकले राजीनामा दिनुपर्ने र मानव तस्करी बन्द गर्नुपर्ने मागसहित नारा लगाइरहेका छन् ।
यता राप्रपाले भने बैठक बहिष्कार गरेको छ । राप्रपाले आइतबार पनि बैठक बहिष्कार गरेको थियो ।
