सहबान अन्सारी/मध्यान्ह
नवलपरासी : नेपाली कला क्षेत्रमा नाम कमाउन सफल एउटा नाम हो निशा घिमिरे । उनले कला क्षेत्रमा छुट्टै स्थान बनाउन थालेकी थिइन् तर समय र परिस्थितिले मान्छेलाई कहाँबाट कहाँ पुर्याउँदो रहेछ भने जस्तै कुनै बेला चमकधमक रहेको उनको जिन्दगी अहिले अस्पतालको शय्यामा बेसहारा बनेको छ । घरको आर्थिक अवस्था कमजोर भएको हुँदा घरपरिवारले दुध बेचेर अस्पतालको महँगो शुल्क तिर्न बाध्य भएको छ ।
घटना के हो ?
ललितपुरको महाङकाल गाउँपालिका वडा नं. ४ कलेश्वर बस्ने २३ वर्षीया मोडेल निशा सानैदेखिको आफ्नो सपना साकार गर्नका लागि अभिनय सिक्न भारत पुगेकी थिइन् । तर गएको दुई महिनाअघि उनको सपना चकनाचुर भयो ।
निशाको २०७५ साल पौष १६ गते भारतको उत्तराखण्डस्थित देहरादुनमा कार दुर्घटनामा परी टाउकोमा गम्भिर चोट लाग्यो । दुर्घटनापछि स्थानीय अस्पतालमा करिब १५ दिनसम्म उपचार भएपनि गम्भिर घाइते भएकी निशालाई थप उपचारका लागी दिल्लीस्थित एम्स अस्पताल लगियो तर उक्त अस्पतालले भर्ना नलिएपछि सोही ठाउँमा रहेको प्रादेशिक अस्पताल सफदरगंज लगियो । त्यहाँ उपचार गराएर करिब २२ दिनपछि निशालाई स्वदेश ल्याइएको उनका बुबा प्रेम प्रसाद घिमिरेले मध्यान्हलाई बताए ।
नेपाल फर्काएपछि निशालाई काठमाडौंस्थित ट्रामा सेन्टरको आईसीयु कक्षमा राखेर उपचार थालियो । करिब साढे दुई महिना ट्रमा सेन्टरमा राखेर उपचार गर्दा पनि स्वास्थ्यमा सुधार नदेखिएपछि काभ्रेस्थित थेरापी सेन्टर पठाइयो । त्यसपछि पुन: काठमाडौंको थापाथलीस्थित नर्भिक अस्पतालमा उनलाई उपचारका लागि भर्ना गरियो । हाल उनी नर्भिक अस्पतालमै निकै कष्टकर जीवन बितावउन बाध्य भइरहेकी छन् ।
आर्थिक अवस्था कमजोर भएका कारण पनि निशाको उपचारमा कठिनाइ भइरहेको उनका बुबा बताउँछन् । उपचार गर्न आर्थक स्रोत जुटाउन गाह्रो भएपछि निशाको परिवारले आर्थिक सहयोगका लागि अनुरोध गरेका छन् । सहयोगका लागि बुवा प्रेम प्रसाद घिमीरेको मोबाईल नम्बर ९८५१२३८९५२ मा सिधा सम्पर्क गर्न सकिने छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies