काठमाडौं : नेपाल पेमेन्ट सोलुसन्स प्रालिको वान लिंक पेमेन्ट सर्भिसले पहिलोपटक आफ्नो सेवा सिद्धार्थ बैंक लिमिटेडबाट शुरुवात गरको छ । यो सेवासँगै अब ग्राहकहरुले बिना कुनै मेजर इन्टिग्रेसन एउटै लिंकबाट पैसा तिर्न र प्राप्त गर्ने सुविधा पाउनेछन् ।
साना तथा ठुला उद्यमीहरुले वान लिंकको माध्यमबाट एसएमएस, इमेल, ध्जबतकब्उउ, ख्ष्दभच, आदिको प्रयोग गरेर लिंकको माध्यमबाट सजिलै कारोवार गर्न सक्नेछन् । सो पेमेन्ट प्राणालीले एम्बैंकिङ्ग साथै परम्परागत भुक्तानीको समेत अन्त्य गर्ने जनाएको छ ।
परम्परागत भुक्तानी सेटअपमा ग्राहकहरुलाई म्यानुअल विवरणरु मार्फत एउटै भुक्तानी माध्यमको प्रयोगको विकल्प उपलब्ध गराउने गरिन्छ । यद्यपि, “वान लिंक” मार्फत, ग्राहकहरूले नेपालमा उपलब्ध सबै भुक्तानी माध्यम जस्ता इ–बैंकिङ्ग, एम्बैंकिङ्ग, आइपीएस् कनेक्ट, कार्ड भुक्तानी र वालेट भुक्तानीहरूको विकल्प पाउन सकिने जनाइएको छ ।
अहिले सिद्धार्थ बैंकले सुरुमा क्रेडिट कार्डको बिल भुक्तानीका लागि यो सेवा सुरु गरे पनि, पछि, यसबाट ऋणको इएम्आई भुक्तानी गर्न मिल्ने सेवा पनि समेटिने जनाएको छ । समग्रमा, यसले व्यक्ति, घरेलु, साना तथा मझौला र कर्पोरेट ग्राहकहरूलाई पनि सशक्त बनाउने सोलुस्न्स प्रालिले बताएको छ ।
नेपाल पेमेन्ट सोलुसन्स् प्रा. लि. एक भुक्तानी प्रणाली एग्रीगेटर हो, जसले विशेष गरी बैंक तथा वित्तिय संस्थाहरु, पीएस््पीहरु, रेमिट्यान्स कम्पनीहरु र व्यवसायिक क्षेत्रहरुमा केन्द्रित रहेर काम गर्ने गर्दछ । यसले अधिकाशं “क” वर्ग, “ख” वर्ग र “ग” वर्गका बैंक तथा अन्य वित्तिय संस्थाहरुसँग सहकार्य गरी काम गरी रहेको छ । सोलुसन्सले अहिले ४० भन्दा बढि बैंक, ५० भन्दा बढि रेमिट्यान्स कम्पनी र २० भन्दा बढि वालेटहरु लाई जोड्दै अघि बढिरहेको बताएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies