ललन कुमार चौरसिया/मध्यान्ह
रौतहट : सर्लाहीमा सवारी दुर्घटनामा दुई जनाको मृत्यु भएको छ । मोटरसाइकल र टाटा सुमो एकआपसमा ठोक्किँदा दुई जनाको मृत्यु भएको हो । मृत्यु हुनेमा हरिवन नगरपालिका वडा नं ७ का २५ वर्षीय मोटरसाइकल चालक देव मोक्तान र पछाडि सवार २३ वर्षीय मिलन ब्लोन रहेका छन् । उनीहरुको घटनास्थलमै मृत्यु भएको सर्लाही प्रहरी प्रवक्ता माधव प्रसाद बुढाथोकीले मध्यान्हलाई जानकारी दिए ।
प्रवक्ता बुढाथोकीका अनुसार बागमती नगरपालिका वडा नं १० केराबारीको कर्मैयाबाट बरहथवातर्फ जाँदै गरेको बीआर ०५ पीए ७१९९ नम्बरको टाटा सुमो विपरित दिशाबाट आउँदै गरेको ज १२ प ९९०७ नम्बरको मोटरसाइकलसँग ठोक्किएको थियो । ठक्कर दिने सुमोसहित चालकलाई नियन्त्रणमा लिई थप अनुसन्धान भइरहेको प्रहरीले जनाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies