संघर्ष त के हो र
एकबार जिउनु न हो
समयसँगै आयो, हँसायो
सपनाझैं छरपस्ट ।
आज दौडिरहेको छ
भोलि विश्राम हुन्छ
आज पढ्दै छु
भोलि थचक्क हुनु छ ।
बैंस, जवानी, जिम्मेवारी सबै
चटक्क छोडेर जानुपर्ने
साँचो साथी त
घाट पो रहेछ ।
संघर्षमै
कसैले महल ठड्याउँछन्
कसैले सम्झनामा मित्रता
तर अन्त्यमा सबै
शून्यतामै हराउँछन् ।
अन्ततः
न त संघर्ष बलियो रहिरहन्छ
न त उमेरले साथ नै दिन्छ
न त जवानी नै फर्केर आइदिन्छ
न त भौतिकता नै रहन्छ
जे रहन्छ
स्मृतिका पानामा जीवनका संघर्ष मात्र
र त्यो क्षणिक जीवनलाई
बाँधेर राख्ने
एकबारको संघर्ष ।
.jpg)
