
कपिलवस्तु : कपिलवस्तु नगरपालिका–१० स्थित पचेहराबाट १ सय २ बोरा अनुदानको मल प्रहरीले बरामद गरेको छ ।
कृषकका लागि ल्याइएको अनुदानको मल लुकाइछिपाई राखिएको अवस्थामा फेला परेको मल प्रहरीले बरामद गरेको हो ।
अनुदानमा उपलब्ध गराइएको युरिया र डिएपी मल एक स्थानीयको घरमा लुकाएर राखिएको सूचनाका आधारमा छापा मार्दा फेला परेको ईलाका प्रहरी कार्यालय पिपरा कपिलवस्तुले जनाएको छ ।
मलसँगै एक जना व्यक्तिलाई प्रहरीले पक्राउ गरेको छ ।