– ओम आचार्य, अर्घाखाँची
आऊ !
नङ्ग्र खियाऊ
धर्म नछाडी
कम्तिमा यौटा पेट भर
र छाडेर जाऊ
यही हो रितभाँत ।
आऊ !
पसिना बगाऊ
साँध किलो ख्याल गर
सक्छौ पौरख देखाऊ एक हलको
सक्दैनौ भने
कम्तिमा मेलो छाड्नेको सूचीमा नाम दर्ज नगराऊ
यही हो सन्देश ।
हेर !
श्रृष्टि थाम्न
चराले पनि गुँड लगाउँछ
बचेरा हुर्काउँछ खाइ नखाइ गरेर
तर नजरमा कहिल्यै
देखिएन टाँसेको स्वार्थ
चेत्नको लागि यो भन्दा ठूलो शिक्षा के हुन सक्छ ?
स्वार्थ !
न छोप देखाऊ
कम्तिमा नापो थाहा पाउन
सभ्यतालाई सघाऊ,
कतिलाई लाग्ला ठीक त्यही हो
र संसार त्यस्तै छ
जस्तो उसको आँखाको नानीले तस्वीर खिच्छ ।
अलिकति भएपनि
हेक्का राख
जो कसैले केही न केही लिएर आएको हुन्छ
उर्जाको अंश
जगाउन सक्छ सक्दैन वंश
भर पर्छ उसको नियत र मिहनतमा
प्रकृतिले मात्र सघाउँछ
लोकले भन्ने यत्ति हो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies