सिसेल्स : हामी नेपाली ग्लोबल सिसेल्सद्वारा लादिक आइल्याण्डमा खुला रक्तदान कार्यक्रम सम्पन्न गरेको छ । कार्यक्रममा २६ जना नेपालीहरुले रक्तदान गरेका छन् ।
सरकारी लादिक अस्पतालको प्राङ्गणमा भएको रक्तदान कार्यक्रममा सिसेल्स प्रहरीले सहयोगी भूमिका खेलेको थियो । सो अवसरमा हामी नेपाली ग्लोबल संस्थाका प्रथम उपाध्यक्ष विजय थापा, महासचिव सुरेन्द्र कुँवर, सचिव आइन्द्र योङ्या, बोर्ड अफ डाइरेक्टर रामजी बस्नेत, लादिक आइल्याण्ड संयोजक भक्त अस्लामी मगर लगायतको उपस्थित रहेको थियो ।
रक्तदान कार्यक्रम पहिलो पटक आयोजना गरिएको र सबैमा सूचना पुर्याउन नसकिएको र अब हरेक तीन/तीन महिनामा बृहत्त रक्तदान कार्यक्रम गरिने संस्थाका अध्यक्ष दिपेन्द्र कुँवरले जानकारी दिए ।
.jpg)
