पुस्तक : कर्नाली ब्लुज
लेखक : बुद्धिसागर

यो उपन्यास छोराको दृष्टिकोणबाट बाबुको संघर्ष, पारिवारिक जीवन र कर्णाली क्षेत्रको ग्रामीण समाजको मार्मिक चित्रण हो । यसमा पिता–पुत्र सम्बन्ध, बाल्यकालका अनुभव र भावनात्मक गहिराइ छ । सरल भाषा, मनछुने कथा र नेपाली समाजको यथार्थ चित्रणका कारण यो विगत दुई दशकको लोकप्रिय नेपाली उपन्यास बनेको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।