पुस्तक : सेतो धरती
लेखक : अमर न्यौपाने

यो उपन्यास बाल्यकालमा नै विधवा भएकी ताराको विडम्बनापूर्ण जीवनकथा हो । यस उपन्यासमा परम्परा, नारीपीडा, विद्रोह र संघर्षको मार्मिक चित्रण छ । सरल भाषा, नेपाली समाजको कटु यथार्थ र हृदयस्पर्शी शैलीले आमपाठकसम्म पुगेर बेस्टसेलर बन्न सफल भएको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।