काठमाडौं : निर्वाचन आयोगले संघ र प्रदेशको निर्वाचनको मिति सरकारले घोषणा नगरेपनि आन्तरिक तयारी थालिसकेको जनाएको छ ।
मंगलबार काठमाडौंमा पत्रकार सम्मेलन गर्दै आयोगले आन्तरिक तयारी भैरहेको जनाएको हो ।
पत्रकार सम्मेलनमा प्रमुख निर्वाचन आयुक्त दिनेश थपलियाले आगामी मंसिर चार गते निर्वाचन हुने संकेत गरे । निर्वाचन मिति आगामी मन्त्रिपरिषद बैठकबाट तय हुने उनको भनाइ छ ।
प्रमुख आयुक्त थपलियाले आयोगले मंसिर दुई गते निर्वाचन गर्न सरकरालाई प्रस्ताव गरेको सोही सेरोफेरोमा मिति तोकिने बताए ।
आयोगले स्थानीय तह निर्वाचन खर्चका हिसाबले विगतभन्दा मितव्ययी भएको दाबी गरेको छ । चुनावका लागि आयोगलाई सरकारले ८ अर्ब ११ करोड दिएकोमा तीन अर्ब ६ लाख ८६ करोड रुपैयाँ फिर्ता गरेको आयोगले जनाएको हो ।
निर्वाचनमा ५ अर्ब ४ करोड ३ लाख ९२ हजार रुपैयाँ खर्च भएको आयोगको भनाइ छ । यो खर्च २०७४ सालको स्थानीय तहको निर्वाचनको खर्चभन्दा २ अर्ब कम हो ।
त्यस्तै आगामी प्रदेश र प्रतिनिधिसभा निर्वाचनका लागि करिब ८ करोड मतपत्र छाप्नुपर्ने आयोगले बताएको छ ।
प्रमुख निर्वाचन आयुक्त थपलियाले भने, ‘अबको चुनावमा ८ करोड मतपत्र छाप्नुपर्छ । एउटा मतदान केन्द्रमा चार वटा मतपेटिका राख्नुपर्छ ।’
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies