काठमाडौं : सन नेपाल लाइफ इन्स्योरेन्सले ‘एडिएम ३६० डिग्री ग्रोथ समिट १.०’ अन्तर्गत आफ्ना एजेन्सी डेभलपमेन्ट म्यानेजरहरूका लागि सम्पत्ति शुद्धीकरण निवारण तथा आतंकवादी क्रियाकलापमा वित्तीय लगानी नियन्त्रणसम्बन्धी प्रशिक्षण सम्पन्न गरेको छ ।
कम्पनीका कानुन विभाग प्रमुख सुभाष भण्डारीले सञ्चालन गरेको उक्त प्रशिक्षणमा सहभागीहरूलाई कानुनी व्यवस्था, शंकास्पद कारोबार पहिचान, र ग्राहक पहिचान (केवाइसी) प्रक्रियाबारे जानकारी दिइएको थियो । बीमा व्यवसायमा पारदर्शिता, वित्तीय अनुशासन र संस्थागत सुशासन कायम गर्न यस्तो सचेतना आवश्यक रहेको कम्पनीले जनाएको छ ।
हाल देशभर १४८ शाखा तथा उपशाखामार्फत सेवा दिइरहेको सन नेपाल लाइफले आगामी दिनमा पनि यस्ता प्रशिक्षणलाई निरन्तरता दिने प्रतिबद्धता जनाएको छ ।
.jpg)
.jpg)
