काठमाडौँ : भेनेजुएलामा बुधबार आएको विनाशकारी भूकम्पका कारण अहिलेसम्म ९२० जनाको मृत्यु भएको पुष्टि भएको छ भने ३ हजार ३ सय ६० भन्दा बढी मानिस घाइते भएका छन् ।
विशेष गरी ला गुएरा क्षेत्रमा ठूलो क्षति पुगेको छ, जहाँ देशको मुख्य विमानस्थल र बन्दरगाहसमेत अवस्थित छन्। भग्नावशेषमुनि आफ्ना आफन्तहरू फसेका परिवारहरू यति बेला अत्यन्तै छटपटी र पर्खाइमा छन् ।
विगत लामो समयदेखि आर्थिक संकट झेल्दै आएको भेनेजुएलाको स्वास्थ्य प्रणाली यो विपद्पछि पूर्ण रूपमा अस्तव्यस्त भएको छ। स्थानीय चिकित्सकहरूका अनुसार अस्पतालहरूमा औषधि र अत्यावश्यक स्वास्थ्य सामग्रीको चरम अभाव छ, जसका कारण घाइतेहरूको उपचार अस्थायी शिविरहरूमा गर्नुपर्ने बाध्यता छ ।
यसैबीच, बेलायत, अमेरिका, मेक्सिको र नेदरल्याण्ड्स लगायतका देशहरूबाट तालिमप्राप्त कुकुर, ड्रोन र विशेषज्ञसहितका अन्तर्राष्ट्रिय उद्धार टोलीहरू भेनिजुएला पुग्न थालेका छन् । अमेरिकाले १५ करोड डलर सहायताका साथै युद्ध पोत र ढुवानी विमानहरू परिचालन गर्ने घोषणा गरेको छ ।
.jpg)
.jpg)
