नुवाकोट : वर्मिङ हार्ट्स नेपालले नुवाकोटको विदुर नगरपालिका–१३ स्थित श्री अजिङ्गरे माध्यमिक विद्यालयमा अध्ययनरत १५० जना विद्यार्थीलाई न्यानो ज्याकेट तथा शैक्षिक सामग्री वितरण गरेको छ ।
बालकक्षादेखि कक्षा १२ सम्म अध्ययनरत विद्यार्थीलाई लक्षित गरी चिसो मौसमबाट जोगाउन न्यानो ज्याकेट र पठनपाठनमा सहयोग पुर्याउने उद्देश्यले आवश्यक लेखन तथा शैक्षिक सामग्री उपलब्ध गराइएको हो ।
विद्यालयका प्रधानाध्यापक सुदर्शन रिमालका अनुसार यस सहयोगले विद्यार्थीहरूको अध्ययनमा सहजता ल्याउनुका साथै उनीहरूमा सिकाइप्रति थप उत्साह जगाउने विश्वास गरिएको छ । विद्यालयको शैक्षिक तथा विद्यार्थीमैत्री वातावरण निर्माणमा यस्ता सहयोगले महत्त्वपूर्ण योगदान पुर्याउने उनले बताए ।
कार्यक्रममा अनामिका अर्याल, सरोज भण्डारी, रीना गौचन, छेवाङ शेर्पा र पेमा तुलाधरको उपस्थिति रहेको थियो ।
प्रधानाध्यापक रिमालले सहयोगी संस्था वर्मिङ हार्ट्स नेपाल परिवार तथा कार्यक्रममा उपस्थित सम्पूर्ण अतिथिहरूप्रति विद्यालयको तर्फबाट हार्दिक आभार व्यक्त गरे ।
.jpg)
.jpg)
