वीरगञ्ज : वीरगञ्ज महानगर पालिका अन्तर्गत रहेको सामुदायिक विद्यालयका प्रधानाध्यापकहरुलाई भेला गरी बृहत् छलफल गरिएको छ । सामुदायिक विद्यालयका प्रधानाध्यापकहरुको गुनासो सुन्न सभाको आयोजना गरिएको हो ।
वीरगञ्ज महानगर पालिकाका प्रमुख राजेश मान सिंहको अध्यक्षतामा कार्यक्रम भएको हो । कार्यक्रममा प्रमुख सिंहले प्रध्यानाध्यापकहरुलाई भने, ‘तपाईंहरु मलाई साथ दिनुहोस्, सामुदायिक विद्यालयको स्तरले फड्को मार्नेछ ।’ सबैको साथ र सहयोगले सामुदायिक विद्यालयहरुलाई नमुना बनाउन सकिने उनले बताए ।
वीरगञ्ज महानगरपालिकाका उपप्रमुख इम्तियाज आलमले विद्यार्थीहरुको भविस्य बनाउनेमा गुरुहरुको दायित्व रहेको बताए ।
महानगरपालिकाका प्रमुख प्रशासकीय अधिकृत मातृका भट्टराईले प्रशासनिक काम कारबाहीबाट समस्या भए यसलाई नकारात्मक नलिन आग्रह गरे ।
प्रधानाध्यापकको गुनासोहरु सुन्दै त्यसलाई समाधान गर्नतर्फ लाग्ने शिक्षा महाशाखाका प्रमुख अरबिनद लाल कर्णले बताए ।
