सन्धिखर्क : सन्धिखर्क नगरपालिकाले श्रीजनशिल नौमती पञ्चे बाजा समूह सनपा १२ डिभर्नालाई एक सेट नौमती पञ्चे बाजा प्रदान गरेको छ ।
सन्धिखर्क नगरपालिका प्रमुख कृष्णप्रसाद श्रेष्ठले सो पञ्चे बाजा समुहकी अध्यक्ष निमकला ताम्राकारलाई हस्तान्तरण गरेका हुन् । सन्धिखर्क नगरपालिकाको आर्थिक सहयोगमा सिकाइ प्रवद्र्धन र सामग्री हस्तान्तरण कार्यक्रम अन्तर्गत यी बाजा प्रदान गरिएको हो ।
गत असार २४ गते सो कार्यक्रम अन्तर्गत उक्त पञ्चे बाजा समूहका १५ जना महिलाहरूले सन्धिखर्क नगरपालिकाबाट तालिम लिएका थिए ।
सो तालिमको प्रशिक्षण राष्ट्रिय जनसांस्कृतिक महासंघ केन्द्रीय सदस्य,कलाकार शिव शाहले दिएका थिए ।
सामग्री वितरण गर्दै नगर प्रमुख कृष्णप्रसाद श्रेष्ठले यो सीप कलाले महिलाहरू आत्मनिर्भर बनाउन सहयोग पुर्याएको बताए । निरन्तर कला साधनाले मात्र सक्षम कलाकार बनाउन सहयोग पु¥याउने भएकोले साधनालाई निरन्तरता दिन उनले अनुरोध गरे ।
बाद्य बादनमा दमाहा २ सेट, सहनाइ २ सेट, टेमकुलो १ सेट, ढोलकी १ सेट, कर्नाल १ सेट, नरसिंह १ सेट, झ्याली १ सेट गरी ९ थान बाजा रहेका छन् ।
यो बाजा समूहकी टिम क्याप्टेन पार्वता श्रेष्ठ र संयोजकमा मिना श्रेष्ठ रहेकी छन् ।
