अर्घाखाँची : कांग्रेस अर्घाखाँचीले ६१ वटै वडामा प्रतिनिधि खटाएको छ । नेपाली कांग्रेस केन्द्रीय कार्यसमितिको बैठकको निर्णयानुसार प्रतिनिधि खटाएको हो ।
कांग्रेस जिल्ला पदाधिकारी बैठकको निर्णय अनुसार जिल्लाका ६१ वटै वडामा कांग्रेस जिल्ला पदाधिकारी, जिल्ला सदस्य, महासमिति सदस्य, महाधिवेशन प्रतिनिधि, प्रदेश पदाधिकारी, पालिका पदाधिकारी, पूर्व जिल्ला पदाधिकारी तथा नेताहरु खटिएका छन् ।
वडामा खटिएका प्रतिनिधिले क्रियाशिल कार्ड वितरण, नविकरण र नयाँ फर्म वितरण, कांग्रेसका विभिन्न भातृ तथा शुभेच्छुक संस्था गठन, वडा कार्यसमिति, टोल कार्यसमितिलाई क्रियाशिल बनाउने लगायतका कार्य गर्ने नेपाली कांग्रेस जिल्ला सचिव कृष्ण प्रसाद खनालले बताए । त्यसैगरी प्रतिनिधिले वडाभित्र कांग्रेस वडा कार्यसमिति र जनप्रतिनिधिबीचको सम्बन्धलाई अझ मजबुँद बनाउन भूमिका खेल्नेछन् ।
कांग्रेसको विधान बमोजिम वार्षिक क्यालेण्डर अनुसार वडा सम्मेलन तयारी समेत गर्ने गरी संगठन विस्तारका लागि नेताहरु प्रतिनिधिको रुपमा खटिएको कांग्रेस अर्घाखाँचीका जिल्ला सभापति केशब श्रेष्ठले जानकारी दिए ।
