अर्घाखाँची : नेपाल वन पैदावर उद्योग व्यवसायी महासंघका कोषाध्यक्ष युवा व्यवसायी पवन अर्यालले व्यवसायीका समस्या सरकारले नसुन्दा धेरैजसो काठ जंगलमै खेर जाने अवस्था आएको बताएका छन् ।
अर्घाखाँचीको शितगंगा नगरपालिकामा आयोजित कार्यक्रममा बोल्दै कोषाध्यक्ष अर्यालले सामुदायिक, निजी, आवधि जंगलमा धेरै काठ डम्पिङ भएपनि सरकारले व्यवसायीहरुको हितमा काम गर्न नसकेको बताए । उनले सरकारी भवन निर्माण गर्दा अनिवार्यरुपमा नेपाली काठ प्रयोग गर्ने नीति सरकारले ल्याउन नसक्दा व्यापारीहरु विस्थापित हुने अवस्था आएको बताए ।
उनले व्यवसायीहरुको हक हितका लागि महासंघ सधैं लागिपरेको बताए । अर्यालले नेपालमा विदेशी काठ प्रतिबन्ध लगाउनुपर्ने र नेपाली काठलाई प्रोत्साहन गरेमा राज्यलाई ठूलो मात्रामा राजस्व संकलन हुने जिकिर गरे ।
