बेलायत : बेलालयको आम चुनावमा कन्जरभेटिभ पार्टीले बहुमत ल्याउने सर्वेक्षणले देखाएको छ । अहिले अल्पमतको सरकार चलाइरहेको कन्जरभेटिभ पार्टी फेरि सत्तामै रहने अनुमान गरिएको हो । बेलायती सञ्चारमाध्यमहरुले गरेको सर्बेक्षणमा बिहीबारको मतदानबाट प्रधानमन्त्री बोरिस जोनसनको कन्जरभेटिभ पार्टीले पूर्ण बहुमत मिल्ने देखिएको हो ।
सर्वेक्षण अनुसार ६ सय ५० सिटको संसदमा कन्जरभेटिभले ३ सय ६८, लेबर पार्टीले १ सय ९१ लिबरल डेमोक्रेटिकले १३ सिट जित्ने देखिएको छ ।
त्यस्तै एसएनपीले ५५ र ब्रेग्जिट पार्टीलाई शून्य सिट प्राप्त हुने सर्बेक्षणले देखाएको छ । लेबर पार्टीले सर्बेक्षण सत्य नरहेको दावी गरेको छ । सर्वेक्षणले कन्जरभेटिभ पार्टीलाई २०१७ को चुनावी नतिजा भन्दा ५० सिट बढी फाइदा हुने देखिएको हो ।
बेलायतमा सरकार बनाउन कुनै पनि पार्टीलाई ३ सय २६ सांसदको समर्थन चाहिन्छ । युरोपली युनियनबाट बेलायतको बहिर्गमन ‘ब्रेक्जिट’ तथा देशको भविष्यलाई लिएर भइरहेको अन्योल निर्वाचनले हटाउने विश्वास गरिएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies