काठमाडौँ : नेपालका कप्तान रोहित पौडेलसँग झगडा गर्ने बंगलादेशका बलर तान्जिम हसन शाकिबलाई आइसिसीले कारबाही गरेको छ ।
तेस्रो ओभरमा स्ट्राइकमा रोहित पौडेल र बलिङमा तान्जिम थिए । बलिङपश्चात विवाद बढ्दा तान्जिमले कप्तान रोहितलाई धक्का दिएका थिए । नेपालका आशिफ शेखले कप्तान रोहित र बंगलादेशका लिटन दासले तान्जिमलाई रोकेका थिए।
तान्जिमले आइसिसीको आचारसंहिता संहिताको धारा २.१२ को उल्लंघन गरेको हुँदा उनी कारबाहीमा परेका हुन् । उनले खेलका रेफ्री रिचर्डसन्सँग आफ्नो गल्ती स्वीकार गरेकाले थप सुनुवाइको आवश्यकता नभएको आइसिसीले जनाएको छ ।
आइसिसीले मंगलबार जारी गरेको विज्ञप्तिअनुसार तान्जिमको म्याच फिको १५ प्रतिशत शुल्क जरिवानास्वरूप काटिनेछ । साथै, तान्जिमको अनुशासनात्मक रेकर्डमा एक डिमेरिट अंक थपिएको छ ।
