दम्माम, साउदी अरब : प्रवासी नेपाली एकता समाज (पानस), साउदी अरबले आगामी पुस २६ गते (जनवरी १०, २०२५) राष्ट्रिय एकता दिवस तथा राष्ट्र निर्माता पृथ्वीनारायण शाहको जन्मजयन्तीको अवसरमा सांस्कृतिक कार्यक्रम आयोजना गर्ने भएको छ ।
यस विशेष कार्यक्रममा साउदी अरबका विभिन्न नेपाली संघ-संस्थाका सदस्यहरू, स्थानीय नेपाली समुदायका प्रतिनिधिहरू तथा अन्य अतिथिहरूको उपस्थिति रहने अपेक्षा गरिएको छ । कार्यक्रम साउदीको पूर्वी प्रान्त दम्मामस्थित सिको गार्डेनको होलिडे होटेलमा दिउँसो १ बजे कार्यक्रम सुरु हुनेछ ।
पानसका अध्यक्ष कुवेर हुमागाईंका अनुसार यस कार्यक्रमले नेपाली राष्ट्रियता, एकता र संस्कृतिको संरक्षण र प्रवर्द्धन गर्न महत्वपूर्ण भूमिका खेल्नेछ । कार्यक्रममा विशेष अतिथिहरूलाई सम्मान गर्ने साथै सांस्कृतिक प्रस्तुतिहरू हुनेछन् ।
साउदी अरबस्थित सम्पूर्ण नेपाली समुदायलाई यस ऐतिहासिक कार्यक्रममा सहभागी भइ सहयोग पुर्याउन आयोजक समितिले आह्वान गरेको छ ।
