नवलपरासी : पश्चिम नवलपरासीको बर्दघाट नगरपालिका ४ खुर्सानी खोलास्थित पूर्व-पश्चिम राजमार्ग अवरुद्ध भएको छ । हुस्सु र शीतलहरले बाटो चिप्लो भई पूर्व-पश्चिम राजमार्ग दुईतर्फी अवरुद्ध भएको हो ।
हुस्सु र शीतलहरका कारण बाटो चिप्लो हुँदा यातायात सञ्चालन गर्न कठिनाइ भएको जिल्ला प्रहरी कार्यालय नवलपरासी पश्चिमका सूचना अधिकारी एवं प्रहरी नायब उपरीक्षक डीएसपी रेशम बोहराले बताए ।
बुधबार बिहान ३ बजेदेखि एकतर्फी बाटो खुलाए पनि झिम-झिम शीतलहरीको पानीले बाटो चिप्लो भएकाले मालबाहक सवारी सञ्चालनमा अझै कठिनाइ रहेको उनले जानकारी दिए । दुईतर्फी आवागमनका लागि पहल गरिरहेको डिएसपी बोहराले बताए ।
