२०८१ चैत २१ गते बिहिवार / Apr 03 , 2025 , Thursday
२०८१ चैत २१ गते बिहिवार
Ads

साउदीमा मनाइयो राष्ट्रिय एकता दिवस

draupadi film
अन्जान गुभाजु
२०८१ पुष २७ गते १६:१०
साउदीमा मनाइयो राष्ट्रिय एकता दिवस

दम्माम, साउदी अरब : प्रवासी नेपाली एकता समाज (पानस), साउदी अरबले राष्ट्र निर्माता पृथ्वीनारायण शाहको ३०३औं जन्मजयन्ती तथा नेपाली राष्ट्रिय एकता दिवस मनाएको छ ।

शुक्रबार दम्मामको सिकोस्थित होलिडे होटेलमा आयोजित कार्यक्रम पानस साउदीका अध्यक्ष कुबेर हुमागाईंको अध्यक्षतामा सम्पन्न भएको हो । कार्यक्रममा साउदीस्थित नेपाली दूतावासका स्थानीय प्रतिनिधि नारायण पासवान प्रमुख अतिथि, एनआरएनए मध्यपूर्व क्षेत्रीय संयोजक तथा नेपाल सरकारका पर्यटनदूत राजेन्द्र अर्याल विशेष अतिथि तथा साउदी अरेबियामा सक्रिय विभिन्न संघ-संस्थाका प्रतिनिधि र स्थानीय नेपाली समुदायको उल्लेख्य उपस्थिति रहेको थियो ।

No description available.

पानसका उपाध्यक्ष मनोज धिमालको सञ्चालनमा भएको कार्यक्रम राष्ट्र निर्माता पृथ्वीनारायण शाहको तस्बिरमा माल्यार्पण र दीप प्रज्वलनबाट सुरु गरिएको थियो । वक्ताहरूले शाहको योगदानको उच्च प्रशंसा गर्दै उनको दिव्य उपदेश र एकताको दृष्टिकोण आज पनि उत्तिकै सान्दर्भिक रहेको बताए ।

कार्यक्रमलाई थप उत्साहजनक बनाउन स्थानीय कलाकारहरूले राष्ट्रभक्तिपूर्ण गीतमा आकर्षक नृत्य प्रस्तुत गरेका थिए । साथै, सांस्कृतिक प्रस्तुति र वक्ताहरूको प्रेरणादायी सम्बोधनले कार्यक्रममा थप रौनकता ल्याएको थियो ।

No description available.

पानसका अध्यक्ष हुमागाईंले कार्यक्रममा भने, “यो कार्यक्रमले प्रवासमा रहेका नेपालीहरूको राष्ट्रियता, एकता र सांस्कृतिक पहिचानलाई बचाउन महत्वपूर्ण भूमिका खेलेको छ । नेपाली समुदायबीचको भाइचारा र सहकार्यलाई थप बलियो बनाउने यस प्रकारका कार्यक्रम निरन्तर आयोजना गर्नुपर्छ ।”

कार्यक्रमका प्रमुख अतिथि पासवानले नेपाली एकताको महत्व झल्काउने यस्ता कार्यक्रमले प्रवासी नेपालीहरूलाई आफ्नो पहिचान र जरा सम्झाइराख्न मद्दत पुर्‍याउने बताए । विशेष अतिथि अर्यालले राष्ट्रिय एकता र राष्ट्र निर्माता शाहको योगदानप्रति सम्मान प्रकट गर्दै यस्ता गतिविधिहरूलाई अझ व्यापक बनाउनेतर्फ ध्यान दिन आग्रह गरे ।

साउदी अरबस्थित सम्पूर्ण नेपाली समुदायलाई कार्यक्रम सफल बनाउन सहयोग गरेको भन्दै आयोजक समितिले हार्दिक धन्यवाद व्यक्त गरेको छ ।

ADV

सम्बन्धित खबर

Advertise