.jpg)
रौतहट : रौतहटको फतुवा विजयपुर नगरपालिकाले आफ्ना नगरवासीको २४ लाख बढी विद्युत् महसुल प्राधिकरणलाई बुझाएको छ । नगरपालिकाले विद्युत् महसुल वापत २४लाख ५९ हजार ९ सय रुपैयाँ बुधबार नेपाल विद्युत् प्राधिकरण वितरण केन्द्र चन्द्रपुरलाई बुझाएको हो ।
फतुवा विजयपुर कार्यवाहक नगर प्रमुख अम्बेया खातुनले २४लाख ५९हजार ९ सय रकम बराबरको चेक चन्द्रनिगाहपुर वितरण केन्द्रका प्रमुख धिरेन्द्र यादवलाई हस्तान्तरण गरेकी छन् ।
फतुवा विजयपुर नगरभित्र आम जनताको बिजुली र पानी निःशुल्क रहेको छ । नगरवासीको बिजुली र पानीको पैसा फतुवा विजयपुर नगरपालिकाले तिर्दै आएको छ ।
‘फ्री बिजुली, फ्री पानी’ कार्यक्रम अन्तर्गत फतुवा विजयपुर नगरपालिकाले गत चालु आर्थिक वर्षको अहिलेसम्म बिजुली र पानी वापतको दुई करोड २५लाख ५० हजार रुपैयाँ रकम प्राधिकरणलाई बुझाइसकिएको प्रमुख प्रशासकीय अधिकृत भरत यादवले बताए ।
फतुवा विजयपुर नगरपालिकाले ‘फ्री बिजुली, फ्री पानी’ कार्यक्रम सञ्चालन गर्दै आएको छ । झण्डै ५ वर्षदेखि जनताको घरायसी मिटर र कृषि मिटरको सम्पूर्ण रकम नगरपालिकाले तिर्दै आएको छ ।
