.jpg)
जनकपुर : जनकपुरधामस्थित मधेश प्रदेश सभा भवन अगाडि मुख्यमन्त्री सतिश कुमार सिंहको पुत्ला दहन गरिएको छ ।
बुधबार प्रदेश सभामा प्रस्तुत गरिएको कामकाजको भाषासम्बन्धी विधेयकमा विभेद गरेको भन्दै जनकपुरधामका युवाहरुले मुख्यमन्त्री सिंहको पुत्ला दहन गरेका हुन् ।
मगही भाषालाई उपेक्षित गरेर विधेयकमा स्थान नदिएको भन्दै युवाहरुले विरोध जनाएका छन् । चार लाख भन्दा बढी बोलिने भाषालाई विधेयकमा नराखिएकोमा उनीहरुले आक्रोश व्यक्त गरेका हुन् । मधेश प्रदेश सरकारले विधेयक नसच्याए झन् बढी विरोध गर्ने र भाषा र पहिचानका लागि लडिरहने उनीहरुको भनाइ छ ।
विरोध प्रदर्शनमा युवाहरुले 'पहिचानवादी सरकार मुर्दावाद', 'मुख्यमन्त्री राजीनामा दे', 'मुख्यमन्त्री मुर्दावाद', 'शिक्षामन्त्री मुर्दावाद'लगायतका नारा लगाएका थिए ।
