.jpg)
रौतहट : रौतहटको दक्षिणी भेग ईशनाथ नगरपालिकामा विद्यालय भवन निर्माणका लागि शिलान्यास गरिएको छ ।
ईशनाथ नगरपालिकाको वडा नम्बर ६ जोकहा टोलमा रहेको मोतीगन्ज प्राथमिक विद्यालयमा नगरप्रमुख कौशल्यादेवी सिन्हाद्वारा चार कोठे भवन विद्यालय भवनको शिलान्यास गरिएको हो ।
शिलान्यासपछि आयोजित कार्यक्रममा बोल्दै नगर प्रमुख सिन्हाले विद्यालयमा पठनपाठन व्यवस्थित गराउने उद्देश्यले भवन निर्माण कार्य सुरु गरिएको बताइन् । भवनको अभाव झेलिरहेको आफ्नो नगरका विद्यालयहरुको अब छिट्टै कायापलट हुने उनले बताइन् ।
शिक्षा क्षेत्रमा पालिकाले महत्वपूर्ण कार्यहरु गर्दै आएको बताउँदै उनले शिक्षामा नगरपालिकाले कुनै कमी नराख्ने बताइन् ।
त्यस्तै विद्यालय भवन निर्माण कार्य गुणस्तरीय एवं फलदायी बनाउनका लागि विद्यालय प्रशासन,नगरवासी,नगरपालिकाको लगायत सबै पक्षले निर्माण कार्यबारे चासो लिनुपर्ने प्रमुख प्रशासकीय अधिकृत नन्दकिशोर गुप्ताले बताए ।
शिलान्यास कार्यक्रममा उपप्रमुख मो.परवेज आलम, वडावासी, समाजसेवी बुद्धिजीवीहरुको उपस्थिति रहेको थियो ।
