रौतहट : रौतहटको गरुडा नगरपालिका–१ स्थित गजेन्द्र नारायण स्मृति अस्पतालको छात्रावासमा डिप्लोमा फार्मेसी अध्ययनरत एक छात्रा मृत भेटिएकी छन् ।
गरुडा नगरपालिका-१ जयनगरमा रहेको गजेन्द्र नारायण स्मृति अस्पतालको छात्रावासमा बिहीबार बिहान बाराको विश्रामपुर घर भएकी १८ वर्षीया सुमन कुमारी बैठा झुण्डिएको अवस्थामा फेला परेकी हुन् ।
डिप्लोमा फार्मेसी पहिलो वर्षमा अध्ययनरत बैठा आफू बस्ने होस्टलको बाथरुममा झुण्डिएको अवस्थामा फेला परेको प्रहरीले जनाएको छ ।
बैठादर् आत्महत्या गरेकी हुन् वा हत्या भएको हो भन्ने विषयमा थप अनुसन्धान भइरहेको जिल्ला प्रहरी कार्यालय रौतहटका सूचना अधिकारी प्रहरी नायब उपरीक्षक दीपक कुमार रायले जानकारी दिए ।
बैठाको शव पोस्टमार्टमका लागि प्रादेशिक अस्पताल गौरमा राखिएको उनले बताए ।
.jpg)
