काठमाडौं : सर्वसाधारणमाथि निर्घात कुटपिट गरेको घटनामा ४ जनालाई ट्राफिक प्रहरी कारबाहीमा परेका छन् ।
बिहीबार काठमाडौं उपत्यका ट्राफिक प्रहरी कार्यालयले उक्त घटनाका ४ जना ट्राफिक प्रहरीलाई जिम्मेवारीबाट हटाएको बताएको हो ।
ट्राफिक प्रहरीले एक जना सर्वसाधारणमाथि निर्घात कुटपिट गरेको देखिने भिडियो बिहीबारदेखि सामाजिक सञ्जालमा भाइरल भइरहेको छ ।
भिडियोमा ट्राफिक प्रहरीले बुटले ती व्यक्तिलाई कुटपिट गरेको देखिन्छ । कुटपिट गर्दै ती ट्राफिक प्रहरीले कागजपत्र भुइँमै फ्यालेको पनि देखिन्छ ।
ती व्यक्तिमाथि काठमाडौंको सुन्धारास्थित आकाशे पुलमुनि कुटपिट भएको थियो । साथै घटना गत मंसिर ११ गतेको रहेको प्रहरीले जनाएको छ ।
