काठमाडौं : नेपाल राष्ट्रिय मारवाडी युवा संगठनको आयोजनामा ‘अन्नपूर्ण बेस क्याम्प ट्रेकिङ तथा सरसफाइ अभियान’ सफलतापूर्वक सम्पन्न भएको छ ।
अध्यक्ष मनोज अग्रवालको नेतृत्वमा तथा उपाध्यक्ष एवं संयोजक नितेश महेश्वरीको समन्वयमा आयोजित अभियानमा ११ जना युवा र ४ जना युवती सहभागी भएका थिए ।
अभियानको क्रममा झिनु डाँडादेखि अन्नपूर्ण वेस क्याम्पसम्मको सम्पूर्ण मार्गमा नन–रिसाइकल फोहोर संकलन गरी सरसफाइ गरिएको थियो ।
यो अभियानले पर्यावरण संरक्षण, पर्यटन मार्ग सफा राख्ने दायित्व र सामाजिक चेतना अभिवृद्धिमा महत्वपूर्ण सन्देश दिएको छ ।
नेपाल राष्ट्रिय मारवाडी युवा संगठनले आगामी दिनहरूमा पनि यस्ता सामाजिक र पर्यावरणीय अभियानलाई निरन्तरता दिने प्रतिबद्धता व्यक्त गरेको छ ।
