काठमाडौं : नेपाली कांग्रेसका सभापति शेरबहादुर देउवाले प्रदेश एक र बागमती प्रदेश सरकारमा सहभागी हुने प्रस्ताव नेताहरुसँग राखेका छन् ।
प्रदेशका सांसदहरु सहित शुक्रबार देउवा निवास बुढानिलकण्ठमा भएको छलफलमा उनले यस्तो प्रस्ताव गरेका हुन् । प्रधानमन्त्री केपी ओलीले प्रदेशमा सहभागी हुने गरी ल्याएको प्रस्ताव देउवाले नेताहरु समक्ष राखेका हुन् ।
तर छलफलमा सहभागी अधिकांश नेताहरुले प्रस्तावमा असहमति जनाएका छन् । उनीहरुले केन्द्र र प्रदेश सरकारमा कांग्रेसको एउटै नीति हुनु पर्ने भन्दै उक्त प्रस्तावमा सहमत हुन नसक्ने बताएका हुन् ।
प्रतिनिधिसभा विघटनपछि नेकपा दुई समूहमा विभाजित भएको छ । दाहाल-नेपाल समूहले प्रदेश एक र बागमतीमा मुख्यमन्त्रीविरुद्ध अविश्वास प्रस्ताव दर्ता गरेको छ ।
अविश्वास प्रस्ताव अघि बढेपछि ओली समूहले कांग्रेसलाई मिलेर सरकारमा सहभागी हुन प्रस्ताव गरेको छ । तर कांग्रेसले प्रदेश सरकारमा सहभागी हुने विषयमा औपचारिक निर्णय गर्न सकेको छैन ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies