काठमाडौं : प्रधानमन्त्री केपी शर्मा ओलीले मुलुकमा ननभेज आन्दोलनको घोषणा भएकाले सजग रहन सुरक्षा निकायलाई निर्देशन दिएका छन् ।
सशस्त्र प्रहरी बलको २० औं स्थापना दिवस कार्यक्रमलाई शुक्रबार सम्बोधन गर्दै उनले ननभेज आन्दोलनको सजग भएर सामना गर्न निर्देशन दिएका हुन । लोकतान्त्रिक प्रणाली विरुद्ध ननभेज आन्दोलनको घोषणा भएको प्रधानमन्त्री ओलीको दावी छ ।
प्रधानमन्त्री ओलीले दुई चरणमा निर्वाचन हुने दाबी गरेका छन । शान्तिपूर्व ढंगले निर्वाचन गराउनका लागि सशस्त्र प्रहरीको भूमिका उल्लेखनीय रहने प्रधानमन्त्री ओलीले बताए ।
गृहमन्त्री रामबहादुर थापाले सीमा सुरक्षामा ध्यान दिन निर्देशन दिए । सीमा क्षेत्रमा हुने अपराध, चोरी निकासी रोक्न बोर्डर आउट पोष्ट समेत थप गरिने मन्त्री थापाले बताए । सीमा सुरक्षा ऐन समेत बनाउने प्रक्रिया अघि बढेको उनको भनाइ थियो ।
सशस्त्र प्रहरी महानिरीक्षक शैलेन्द्र खनालले जनशक्ति बजेट र साधन श्रोत थप भए सशस्त्र प्रहरीको काम अझै प्रभावकारी हुने बताए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies