यामराज बिष्ट/मध्यान्ह
दैलेख : बोनम्यारो राेगबाट पीडित दैलेख भगवतीमाई गाउँपालिका–२ रुमका ११ बर्षीय बालक शुसिल शाहीको उपचारका लागि रु ५१ हजार १ सय ११ रुपैयॉ आर्थिक सहयोग प्राप्त भएको छ । पीडित शाहीको उपचार खर्चता लागि समाजसेवी मानेन्द्र चन्द ठकुरीले ४१ ह्जार १ सय ११ रुपैया, दैलेखी सेवा समाजका अध्यक्ष प्रताप शाही र मनघरी फाउण्डेशनका अध्यक्ष भरतबन्धु थापाले पाँच / पाँच हजार रुपैया सहयोग गरेका हुन् । विगत ४ बर्षदेखि अमेरिका बस्दै आएका समाजसेवी मानेन्द्र अहिले घर विदामा नेपाल आएका मौकामा विरामीलाई हस्पिटलमा पुगेर सहयोग गरेका हुन् ।
आफुले व्यक्तिगत रुपमा गरेको सानाे सहयोगले बोनम्यारो राेगबाट पीडित बालकलाई उपचार खर्चमा केही सहजहाेस भन्ने उदेश्यले सहयोग गरिएको समाजसेवी ठकुरीले मध्यान्हलाई बताए।
पैसा अभाव भएका कारण पीडित शाहीलाई अहिले भर्ना गरिएको छैन । उनी गाह्रो भएपछी अस्पताल आउने गरेका छन् । आज विरामीलाई केहि गाह्रो भएपछी अस्पताल आएको समयमा ठकुरीले रकम हस्तान्तण गरेका हुन् । विरामीको उपचारको लागि करीब ३० लाख हाराहारी लाग्ने अस्पतालले जनाएको छ ।
विगत ६ महिना देखि बोनम्यारो रोगबाट ग्रसित शाहीको उपचारका लागि आर्थिक सहयोग गर्ने सबैलाई शुसिलका बुबा दिनेश शाहीले धन्यवाद दिए ।
बोनम्यारो पीडित बालक शाहीलाई उपचारका लागि आर्थिक सहयोग गर्न चाहनेहरुले राष्ट्रिय वाणिज्य बैंक दैलेखमा अमृत विक्रम शाहीको नाममा रहेको खाता नं ४०१०१०००००१११५०१२ मा रक़म जम्मा गर्न सकिने जनाइएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies