नेपालगञ्ज : अवैध भारतीय रुपैयाँसहित भारतबाट नेपालतर्फ आउँदै गरेका एकजना व्यक्ति बाँकेमा पक्राउ परेका छन् । नेपालगञ्ज उपमहानगरपालिका–१६ भन्सार चेक प्वाइन्टमा चेकजाँच गर्ने क्रममा १० लाख अवैध भारतीय रूपैयाँसहित एकजना भारतीय नागरिक नै पक्राउ परेका हुन् ।
पक्राउ पर्नेमा भारतको दिल्ली जफ्फारावाद बस्ने ५४ वर्षीय मुनवर खान छन् । प्रहरीले उनलाई आइतबार दिउँसो पक्राउ गरिएको जानकारी दिएको छ ।
भन्सार सुरक्षा गार्ड नेपालगञ्ज र सशस्त्र प्रहरी बल नेपाल बोर्डर आउट पोष्ट जमुनाह बाँकेबाट खटिएको संयुक्त सुरक्षा टोलीले जाँच गर्ने क्रममा भारतबाट नेपालतर्फ पैदल आइरहेका खान पक्राउ गरेको हो ।
पक्राउ परेका खानको साथबाट भारतीय रुपैयाँ २ हजार दरका नोट ३ थान र ५ सय दरका नोट १ हजार ९ सय ८८ थान गरी १० भारु बरामद गरिएको प्रहरीले जानकारी दिएको छ । पक्राउ परेका खानमाथि थप अनुसन्धान भइरहेको जिल्ला प्रहरी कार्यालय नेपालगञ्जले जानकारी दिएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies